Қостанай облысы Жангелдин ауданының Торғай ауылында екі сыныптас 26 мамырда күндіз жылқымен мал іздеуге шығып, адасып бағдарынан жаңылысқан.

Жасөспірімдер соңғы рет кешкі сағат 20:30 кезінде байланысқа шығып, үйге қайтып келе жатқандарын жақындарына айтқан, деп жазады inbusiness.kz сайты.

ҚР ТЖМ баспасөз қызметінің мәліметінше, бір жарым сағаттан өтсе де үйге оралмаған, осылайша уайымға салынған ата-аналары құтқарушыларға көмек сұрап жүгінеді.

4 сағаттық үзіліссіз іздестіру жұмыстарынан кейін, құтқарушылар Торғай ауылынан 8 шақырым жерде қамыстың арасында адасып қалған жасөспірімдерді тауып, елді мекенге аман-есен жеткізді.