ҚР премьер-министрі Олжас Бектеновтың 2025 жылғы 22 мамырдағы өкімімен ақпараттық кеңістіктің қауіпсіздігін күшейту бойынша ұсыныстар мен ұсынымдар әзірлеу үшін ведомствоаралық жұмыс тобы құрылды, деп хабарлайды Zakon.kz.

"Ақпараттық кеңістіктің қауіпсіздігін күшейту бойынша ұсыныстар мен ұсынымдар әзірлеу үшін ведомствоаралық жұмыс тобы құрылсын", – делінген құжатта.

Жұмыс тобының құрамына:

• ҚР Премьер-министрінің орынбасары, басшысы
• ҚР Мәдениет және ақпарат министрі, басшының орынбасары
• ҚР Мәдениет және ақпарат вице-министрі, хатшы
• ҚР Ұлттық қауіпсіздік комитеті төрағасының орынбасары (келісім бойынша)
• ҚР Қаржы мониторингі агенттігі төрағасының орынбасары (келісім бойынша)
• ҚР Сыртқы істер министрінің орынбасары
• ҚР Ішкі істер министрінің орынбасары
• ҚР цифрлық даму, инновациялар және аэроғарыш өнеркәсібі вице-министрі
• ҚР Қауіпсіздік Кеңесінің өзекті қауіпсіздік мәселелері бөлімінің сектор меңгерушісі (келісім бойынша)
• ҚР Президенті Әкімшілігінің коммуникациялар бөлімінің сектор меңгерушісі (келісім бойынша)
• ҚР Президенті Әкімшілігінің цифрландыруды дамыту бөлімінің сектор меңгерушісі (келісім бойынша)
• ҚР Үкіметі Аппаратының Әлеуметтік даму бөлімінің меңгерушісі.

Жұмыс тобына 2025 жылғы 31 қазанға дейін ҚР Үкіметінің аппаратына ақпараттық кеңістіктің қауіпсіздігін күшейту бойынша ұсыныстар мен ұсынымдар әзірлеп, қарауға енгізу тапсырылды.

Өкімнің орындалуын бақылау Премьер-Министрдің орынбасары Е. Көшербаевқа жүктелген.