Танымал блогер, инфлюенсер Өркен Кенжебек қазақ боксшыларының әлем чемпионатындағы жеңісі туралы өз ойын білдірді.

Бұл туралы Caravan.kz медиа порталы хабарлайды.

Блогер өз ойын желідегі парақшасында білдірді.

«Кеше 3,5 сағат-ақ ұйықтасам да, қазір таңғы 04.30 болса да көз шырымын алар емеспін. Себебі, кейінгі жеңістер сериясының дуы басылмай жатыр ше.

Ливерпульге келген 60-тай елдің 600-дей жарыскері Қазақстан мен Өзбекстанның әнұрандарын жаттап алды-ау) Жеті рет біздің гимн шырқалды алтын медальмен, 1 күміс, 2 қола. Жалпылай апарған 20 спортшыдан оны жүлде алып, командалық есепте 1-орын алуымыздың өзі түсінгенге нендей бақыт һәм ауыр мехнаттың өтеуі! Жай жанкүйер болған бір жөн, ал @oralbay_aibek@oralbay_nurbek@sabyrkhan_makhmud@tashkenbay_sanzhar — ды жеке танып, жолдас болсаң да одан әрі жүрегің сығылады екен. Иә, мен осылай білдірмей мақтанудың шеберімін. Үлкен абырой болды! Өзінен кейінгілерге серпін!

Бокс федерациясын да, оның басында жүрген Оспан Әжібеков, Мұратхан Жамалханов секілді бауырларымды да құттықтаймын! Ел мерейі үстем болсын! Туымыз құламасын! Әй, бір айыз қанатындай, тарихқа кіретіндей бокс кештері болды…», — деп жазды блогер.