Қазақстан 2027 жылға дейін 100 шағын футбол алаңын салу жөніндегі FIFA Arena халықаралық жобасына алғашқылардың бірі болып қосылды.

Жоба балалар мен жасөспірімдер футболын дамытуға және мектептерде спорт инфрақұрылымын жақсартуға бағытталған. Футбол алаңдары жалпы білім беретін мектептердің аумағында салынады.

Алғашқысы биыл Хромтау мен Көкшетауда ашылады. Әр алаң 20×40 метр көлемінде, FIFA стандартына сай, заманауи жасанды жабынымен және қауіпсіздік элементтерімен жабдықталады.

Қаржыландыруды FIFA қамтамасыз етеді, ал ұйымдастырушылық жұмыстарды Туризм және спорт министрлігі, Оқу-ағарту министрлігі мен жергілікті әкімдіктер жүзеге асырады.

Бүгінде Қазақстанда футболмен 1,1 млн адам айналысады. Бұл жоба өңірлерде бұқаралық спортты дамытуға серпін бермек.