Бүгін Мәжілісте жұмыс берушілердің көлеңкелі төлемдеріне қатысты мәселе қаралды. Еңбек және халықты әлеуметтік қорғау министрлігі Еңбек кодексіне өзгеріс енгізуді ұсынып отыр. Бұл бастамаға сәйкес, жұмыс берушілер қызметкерлерінің жалақысын міндетті түрде ашық түрде декларациялауға тиіс болады , деп хабарлайды Skifnews.kz ақпарат порталы.

Министрліктің айтуынша, қазір кей жағдайларда жоғары білікті мамандардың «қағаз жүзінде» ресми жалақысы – 85 мың теңге (ең төменгі жалақы) болып көрсетіліп, ал қолына одан әлдеқайда көп қаражат беріледі. Бұл салықтан жалтарудың кең таралған тәсілдерінің бірі болып отыр.

«Мұндайға жол бермеу үшін еңбек қатынастары міндетті түрде декларациялануы керек дейміз. Халықаралық тәжірибе бар – мысалы, Сингапур мен Швецияда жалақыны мемлекет реттеп отырады», – деді министр Светлана Жақыпова.