38 жастағы ер адам некелесу туралы ұсынысты қабылдамаған 40 жастағы әйелдің кірпіктерін қолымен жұлып тастаған. Анасына 20 рет пышақ сұғып, жертөлеге тастайды. Ал өгей әкесін көзінше балталап өлтірген, деп хабарлайды Skifnews.kz ақпарат порталы Stan.kz-ке сілтеме жасап.

Ақтөбе облысы қылмыстық істер жөніндегі мамандандырылған ауданаралық соты кепілге ұстау операциясына қатысты істі қарауды бастады. Прокурор айыптау актісін оқыды.

Сотталушы Сәрсенбек Басанов 38 жаста. Оған қатысты үш бірдей баппен қылмыстық кодекстің 99-бабы 2 бөлігі, 1, 3, 5 тармағы (Адам өлтіру), 126-бабы 2 бөлігі 3, 4 тармағы (Бас бостандығынан заңсыз айыру), 107- бабы 1 бөлігімен (Денсаулыққа қасақана ауырлығы орташа зиян келтiру) бойынша айып тағылды. Оқиғаны бірінші болып полицияға қыздың 16 жастағы баласы хабарлаған.

Бүгін сотқа келген марқұмның туыстары сотталушыны өмір бойына бас бостандығынан айыруды сұрады.

“Біз өмір бойына бас бостандығынан айырылғанын қалаймыз. Мұндай адамның өмір сүруге қақы жоқ. Әкем Зина апаймен соңғы 7-8 жылда бірге тұрды әкем. Өзі бұрын Қандыағашта полиция қызметкері болды. Биыл сәуір айында 75-ке толатын еді. Біз тойға дайыдалып жүргенміз. Екі рет обыр дертіне шалдығып, емделіп, аман қалды. Осындай адам келіп, өмірін қиды. Зина апамыз да керемет жан. Анамыздың орнын баспағанмен өте жақсы болды. Ашық болды. Әкем бізге өте жақсы тәрбие берді. Біз 4 қызбыз. Әкеміздің өмірін қиды”, – деді марқұмның қызы.

“Біз өмір бойына бас бостандығынан айырылғанын қалаймыз. Мұндай адамның өмір сүруге қақы жоқ. Әкем Зина апаймен соңғы 7-8 жылда бірге тұрды әкем. Өзі бұрын Қандыағашта полиция қызметкері болды. Биыл сәуір айында 75-ке толатын еді. Біз тойға дайыдалып жүргенміз. Екі рет обыр дертіне шалдығып, емделіп, аман қалды. Осындай адам келіп, өмірін қиды. Зина апамыз да керемет жан. Анамыздың орнын баспағанмен өте жақсы болды. Ашық болды. Әкем бізге өте жақсы тәрбие берді. Біз 4 қызбыз. Әкеміздің өмірін қиды”, – деді ол.

67 жастағы Зина Шаймағанбетованың туысқанынан оқиға кезінде 16 жастағы баланың қалай аман қалғанын айтып берді.

“Сол күні 13 қаңтар күні емханаға бардым. Ал түсте олар мені үйге апарып тастады. Кешкісін Зинаның жиені маған хабарласып тұр. Әже де, ата да алмай жатыр, үйге барайын деп айтты. Мен "маған келесің, тамақтанып, бірге барамыз" дедім. Маған келді, тамағын ішіп, сол үйге қарай шықтық. Үйге кірсек терезе ашық тұр. Телефон үстел үстінде жатыр. Немересі сарайдың есігін ашты. Бір аяғымен кірді де свет жаққысы келді. “Ты кто” деп айқайлап жіберді. Қолынан тартып, далаға сүйреп алып шықтық. Бала жігіттің пышақ ұстап отырғанын көрген көрген”, – деді марқұмның туысқаны.

Іс материалдарына сенсек, сотталушы 2024 жылы қарашасында 40 жастағы жәбірленушінің анасына қызымен отбасы құрғысы келетінін айтқан. Қыз келіспеген. Қызғаныштан ашуға мінген Сәрсенбек Басанов 2025 жылдың 13 қаңтары күні таңда оқиға болған Ақтөбе қаласы Рысқұлбеков көшесіндегі үйге жасырын кірген. Сөмкесіне өзімен бірге бұрағыш, пышақ алып келген. Бұрағышпен терезені ашып, сарайға кіреді. Адамдардың келуін күткен.

Ас үйге бірінші қыздың анасы Зина Шаймағанбетова кіреді. Қолындағы пышақты 67 жастағы әйелге 20 рет сұққан. Кеудесінің алдыңғы және артқы бөлігіне, бетіне, екі көпесіне, жүрекке, жүрек қалтасына, қолқасына, бауырына, оң жақ және сол жақ қолдарына , құлағына, мойнына пышақ жарақатын салған. Көп қан жоғалтқан қария сол жерде қайтыс болады. Денесін сарайдағы жертөлеге тастаған.

Кейін анасын іздеп сарайға Эльмира Қазтуғанова кіреді. 1984 жылғы әйел кепілге ұстау операциясынан жалғыз аман қалған адам. Оған да бірден шабуыл жасап, шашынан тартып, қол-аяғын байлап, аузын жауып тастаған. Кірпіктерін қолдарымен жұлып алып, пышақпен басынан ұрған.

Арада бір сағаттан аса уақыт өткенде сарайға өгей әкесі кірген. 74 жастағы Байғанин Әлиев сарайдағы көріністен шошып отыра қалады. Сол сәтті пайдаланып, Басанов оны да ұра жөнелген. Қолындағы пышақты лақтырып тастап, шкафтың астында жатқан балтамен ұрады. Есінен танған өгей әкесін де жертөлеге тастай салған.

Еске салсақ, қайғылы оқиға 2025 жыл 13 қаңтар күні Ақтөбе қаласы Қайрат Рысқұлбеков көшесіндегі 10-үйде болды. Сотталушы кепілге алған үш адамды босату үшін полиция арнайы операция жүргізді. Келіссөз ұзақ уақыт жүрді. Құтқарылғандардың екеуі егде жастағы қариялар алған жарақатынан қайтыс болды. Біреуі ауруханаға түсті.

Кепілде ұстау операциясынан аман қалған Эльмира Қазтуғанова бүгін сотқа келді. 40 жастағы әйел өзін түсіруге қарсы болды.

Сот отырысы 9 маусымда жалғасады.