Қайғылы оқиға Ақтөбедегі жер үйлердің бірінде болған.

Ақтөбеде адамдарды кепілге алу ісіне қатысты сот басталды, деп хабарлайды inbusiness.kz сайты жергілікті "Диапазон" порталына сілтеме жасап.

Бүгін 38 жаста айыпталушы сот алдында жауап берді. Ер адам уақытша жұмыссыз, Маңғыстау облысының тумасы, ажырасқан.

Сот отырысына марқұм әйелдің қызы мен үлкен әпкесі, марқұм ер адамның қыздары қатысты. Қаза тапқан ер адам бұрын полиция қызметкері болған.

Мемлекеттік айыптаушы Елдар Әбиевтің сөзінше, марқұм әйелдің қызы айыпталушымен Instagram арқылы танысқан. Кейін екеуі бірге тұра бастаған, бұл жайттан туыстары да хабардар болған. Бірақ та, былтыр қазан айында екеуінің арасында жанжал болады. Жігіт сүйіктісінің бұрын басқа адаммен жүргенін білген соң, оған қол көтерген. Сол айда ер адам қыздың жас әйелдің үйленуге рұқсат сұраған. Жас әйелдің өзі некеге тұруға келісімін бермеген.

Қайғылы оқиға 13 қаңтар күні болған. Басылымның жазуынша, сарапшылар кепілге алынған қыздың анасы – марқұм әйелдің денесіне пышақ жарақаты 20 рет салынғанын анықтаған.

"Қарт әйелді өлтіргеннен кейін айыпталушы оның денесін жертөлеге лақтырып жіберген. Біраз уақыттан соң анасының жоқ екенін байқаған үй иесінің қызы үйден шығып, даладағы ас үйдің ашық қалған есігіне назар аударды. Сол жерге кірген соң, бұрышта сотталушыны байқады. Ер адам оның шашы мен курткасынан тартып, аузын жауып, аяқ-қолын байлап қойған. Кейін жас әйелдің өгей әкесі келген. Сотталушы оны пышақпен және жұдырықпен ұрады, кейін балтамен ұрып-соққан. Сотталушы ер адамды да жертөлеге тастаған. Әйелдің өгей әкесі де алған жарақаттарынан қаза тапты", — делінген хабарламада.

Кешке жақын үйге марқұм әйелдің немересі келген. Ол даладағы ас үйде скотчпен байланған анасын көріп, полиция мен туыстарына қоңырау шалған.

"Біз әкемізді онкологиядан аман алып қалдық, оны Түркияға емделуге апардық. Бұл сұмырай келіп, оны қатыгездікпен өлтірді. Оған өмір бойы бас бостандығынан айыру жазасы берілсін", — деді марқұм зейнеткердің қыздары.

Айта кету керек, қаңтар айында Ақтөбеде ер адам әйел мен оның ата-анасын кепілге алғанын жазғанбыз. Кейіннен екі адам көз жұмды. Кепілден босатылып, аман қалған әйелдің жағдайы туралы хабарладық.