Qarakesek лақап атымен белгілі Омар Амантаев 15 тәулікке қамалды, деп жазады inbusiness .kz сайты.

Ақтөбе облыстық Полиция департаментінің мәліметінше, құқық қорғау органдары жедел шара барысында "Kia Rio" көлігін мас күйінде жүргізген рэп орындаушысын тоқтатқан.

Тінту кезінде одан шағын орамадағы синтетикалық есірткі табылып, сараптамаға жіберілді.

– Медициналық куәландыру кезінде оның есірткіге мас күйінде көлік басқарғаны анықталды. Сот шешімімен құқық бұзушы 15 тәулікке әкімшілік қамаққа алынып, 7 жыл мерзімге көлік жүргізу құқығынан айырылды. Есірткі құралдарын заңсыз пайдалану дерегі бойынша сотқа дейінгі тергеп-тексеру басталды, қылмыстық іс қозғалды, – делінген хабарламада.