Меморандум аясында телеканал федерацияның негізгі турнирлері мен іс-шараларынан хабар тарататын болады.

SPORT+ телеарнасы мен Қазақстанның ұлттық падел федерациясы ынтымақтастық туралы меморандумға қол қойды, деп хабарлайды insports.kz.

Ынтымақтастықтың басты мақсаты – Қазақстан үшін жаңа спорт түрінің дамуы мен танымалдығын арттыру, трансляциялар аясын кеңейту және жанкүйерлерге сапалы спорттық контент ұсыну.

Кездесу Алматыда, еліміздегі ең жаңа падел орталығында өтті. Мұнда 4 корт жабдықталған және күніне 200-ден астам ойыншыны қабылдауға мүмкіндік бар.

Маңыздысы федерация балалар мен жасөспірімдер арасында паделдің дамуына ерекше назар аударып отыр. Орталықтың базасында падел мектебі құрылып, ол жас ұрпақтың физикалық әрі рухани дамуына оң ықпал етеді.

Меморандум аясында SPORT+ федерацияның негізгі турнирлері мен іс-шараларын жариялап қана қоймай, қазақстандық спортшылар жайлы да баяндайды.

Өз кезегінде Федерация медиалық қолдауға ие болып, паделдің құндылықтарын кең аудиторияға жеткізу мүмкіндігіне қол жеткізеді.