«Биылғы жартыжылдықта елдің экономикалқық даму деңгейі өсіп, 6,3 пайызға жетті. Бұл рекордтық көрсеткіш», — дейді Ұлттық экономика вице-министрі. Негізгі драйверлдер көрсеткіші де жаман емес.

Мәселен көлік саласында 22,5 пайыз, құрылыста 18,5, сауда саласында 8,6, тау кен өнеркәсібінде 8,5, ал өңдеу секторында 6,1 пайыздық өсім бар. Сондай-ақ Бауыржан Омарбеков, Мемлекет басшысының тапсырмаларын орындау жайын айтты. Алға қойылған басты міндеттердің бірі – елге инвестиция тарту. Мәселен жыл басынан бері негізгі капталға салынған инвестицияның жалпы көлемі 10 трлн теңгеге жуықтайды. Бұл былтырғы сәйкес кезеңмен салыстырғанда 16 пайызға артық. Бұған қоса, Үкімет жуырда 2030-шы жылға дейінгі Қазақстанның өңірлік даму тұжырымдамасын бекітті. Президент тапсырмасына сай, қазір моноқалаларды дамытуға ерекше ден қойылды.

Көлік саласы 22,5%

Құрылыс саласы 18,5%

Сауда саласы 8,6%

Тау-кен өнеркәсібі 8,5%

Өңдеу саласы 6,1%

Бауыржан Омарбеков, ҚР Ұлттық экономика вице-министрі:

- Мұндағы басты мақсат агломерация, моноқалаларды, тірек ауылдар және Алатау қаласын орнықты әрі теңгерімді дамыту. Өңірлерлі дамытуда әлеуметтік және инженерлік көлік объектілеріндегі алшақтықты жоюға ерекше назар аударылды. Бүгінде өңірлік стандарттар жүйесіне сәйкес, елді мекендерді қамтамасыз ету деңгейі 64 пайызды құрайды.

Президенттің тағы бір тапсырмасы – өңірлерде әлеуметтік және инженерлік инфрақұрылымды дамыту. Үкімет, бұл жұмыстар аясында 6 мыңнан астам жобаны іске асырды. Мәселен 2019-2024 жылдар аралығында жүзеге асқан «Ауыл - ел бесігі» аясында, республикалық бюджеттен 700 млрд теңгеден астам қаржы бөлінген.

Бауыржан Омарбеков, ҚР Ұлттық экономика вице-министрі:

- Биыл да жұмыс жалғасын табады. 500 ауылда жалпы құны 200 млрд теңгеге жобалар іске асады. Сонымен қатар Ауыл аманаты жобасы аясында биыл 50 млрд теңге бөлінді. Бұдан басқа республикалық бюджетті қалыптастыру мақсатында алдағы 3 жылдыққа 450 млрд теңге бөлу жоспарланып отыр.