Науқастың жағдайы өте ауыр.

Алматы Қоғамдық денсаулық сақтау басқармасының хабарлауынша, оқиға кезінде жарақат алған ер адам жедел жәрдем бригадасымен №4 қалалық клиникалық ауруханаға жеткізіліп, жансақтау бөліміне жатқызылған, деп жазады inbusiness.kz сайты.

– Науқастың жағдайы өте ауыр. Ол Денсаулық сақтау министрлігінің хаттамасына сәйкес толық көлемде ем қабылдап жатыр, – делінген ведомство мәліметінде.

Еске салайық, бұған дейін Алматы халықаралық әуежайында бір ер адамның касса маңында өзін өртемек болғаны хабарланған еді. Полицейлер дер кезінде әрекет етіп, қайғылы жағдайдың алдын алды. Қазір бұл дерек бойынша қылмыстық іс қозғалды.

Оқиға әуежайдың жұмысына әсер етпегені белгілі болды.