Дәрі-дәрмек 15, тазартқыш құралдар 27 пайызға қымбаттапты.

Сырттан келетін тауарлар қымбаттап барады, деп хабарлады 31 арнаның Информбюро ақпараттық бағдарламасы.

Ұлттық статистика бюросының дерегіне сүйенсек, биыл ішкі нарыққа импортталған өнім бағасы 12 пайызға көтерілген. Әсіресе ТМД мемлекеттерінен әкелінетін заттардың құны шарықтап тұр.

Азық-түлікке келсек, күнбағыс майы 1,5 есе, ұннан жасалған кондитерлік өнімдер 40 пайызға, көкөніс пен шұжық өнімдері 33 және 31 пайызға қымбаттаған.

Сүт те шамамен сондай деңгейде өскен. Ал дәрі-дәрмек 15, тазартқыш құралдар 27 пайызға қымбаттапты.