Абай облысының әкімі Берік Уәли Үржар ауданында болған жол-көлік оқиғасының салдарынан балаларының айырылған отбасыларға көңіл айтты. Бұл туралы әкімдікке сілтеме жасаған KAZ.NUR.KZ хабарлайды.

"Үржар ауданында болған жантүршігерлік оқиға бәpіміздің қабырғамызды қайыстырды. Көлік қағып кеткен балалардың қазасына байланысты орны толмас ауыр қайғыға душар болған отбасыларға өзімнің және бүкіл Абай облысы жұртшылығының атынан қайғырып көңіл айтамын!

Қаза болған балалардың отбасыларына жерлеу рәсімін ұйымдастыруға қажетті барлық қолдау көрсетіледі. Сондай-ақ психологиялық көмек беріледі", — деді облыс әкімі Берік Уәли.

Әкімдік жарақат алған балаларды президенттің тапсырмасымен Астанадан арнайы келген еліміздегі білікті дәрігерлер емдеп жатқанын, юұл жағдай облыс әкімдігінің тұрақты бақылауында екенін еске салды.

Мәтіннен қате тапсаңыз, бізге жазыңыз