Астанада жылдамдығы жоғары 10G интернеті іске қосылады.

Пилоттық жоба әзірге бас қалада сынақтан өткізіледі. 10G - жылдамдығы секундына 10 гигабитке дейін жететін кабельді интернет. Бұл үйлер мен кеңселерде қолданылады. Мұндағы басты өзгешелік — атауы 4G/5G сияқты буынды емес, жылдамдықты білдіреді. Ол тұрақты түрде ешқандай кедергісіз жұмыс істеуге қауқарлы.

Берік Ахметов, Астана қалалық Мемлекеттік қызметтерді цифрландыру басқармасының басшысы:

- Жаңа инфрақұрылымды дамыту керек. Күнделікті өмірде жаңа технологияларды қолдану маңызды. Сондықтан бізге инфрақұрылымды дамыту қажет. Осы пилоттық жобаны халыққа көрсету, интернет провайдерді көрсету үшін жасадық. Денсаулық сақтау саласында, қаланың қауіпсіздігі арттыру бойынша және заманауи жаңа технологияларды қолдануға үлкен үлес қосады.