Тимур Турлов Қарағанды облыстық футбол ассоциациясының президенті болып сайланды.

Бұл туралы Caravan.kz медиа порталы хабарлайды.

Қарағанды футбол федерациясының әлеуметтік желідегі ресми парақшасында Тимур Турловтың жаңа қызметке тағайындалғаннан кейінгі мәлімдемесі жарияланды.

«Футбол дамуы үшін жүйелі тәсілдер, ашық басқару мен нақты нәтижеге бағытталған мақсатты инвестициялар қажет. Осындай тәсіл өңірлік деңгейде де қолданылуы тиіс деп есептейміз. Бұл жергілікті футболға жаңа мүмкіндіктер, инфрақұрылым мен даму келешегін береді.

Дәл бір ай бұрын мен Қарағандыда болдым. Астана мен Алматыны есепке алмағанда, ең жиі келетін қалам — осы.

Бұл тек ортақ жобалар мен іскерлік мүдделерден ғана емес, Қарағанды — ерекше мінезі, дәстүрге бай және спортқа шексіз сүйіспеншілігі бар аймақ. Мұнда футбол — жай ғана ойын емес, бұл — мәдениеттің бір бөлігі», – деді Турлов өз сөзінде.

Еске сала кетейік, Тимур Русланұлы – Freedom Holding Corp. бас директоры және Freedom QJ League Қамқоршылық кеңесінің төрағасы.