Кеше, 16 тамызда "Астана — Петропавл" тасжолында екі көліктің қатысуымен жол апаты орын алды. Жол-көлік оқиғасы салдарынан екі адам қаза тауып, төртеуі зардап шекті, деп хабарлайды KAZ.NUR.KZ.
Ақмола облысының полиция департаменті оқиғаға қатысты пікір білдіріп, жол апатының мән-жайын айтты.
"16 тамызда "Астана — Петропавл" тасжолының 277 шақырымында, Көкшетау мен Щучинск қалаларының ортасында Kia K5 пен Volswagen Passat көліктерінің қатысуымен жол-көлік оқиғасы орын алды.
Жол апатының нәтижесінде Volkswagen Passat жүргізушісі мен жолаушысы оқиға орнында жан тапсырды. Kia K5 жүргізушісі мен үш жолаушысы түрлі жарақат алып, медициналық мекемеге жеткізілді", — деп мәлімдеді ПД өкілдері.
Қазіргі уақытта сотқа дейінгі тергеу жұмыстары жүргізіліп жатыр. Оның нәтижесінде процесуалды шешім қабылданатын болады.
Мәтіннен қате тапсаңыз, бізге жазыңыз
