Украина басшысы Владимир Зеленский АҚШ президенті Дональд Трамппен 18 тамызда кездеседі, деп хабарлайды Egemen .kz.

Зеленский алдағы кездесу туралы өзінің Telegram-каналында жазып, шақырғаны үшін Трампқа алғыс білдірді.

– Украина тағы да бейбітшілік жолында барынша өнімді жұмыс істеуге дайын екенін растайды. Президент Трамп Ресей басшысымен болған кездесуін, әңгіме барысында көтерілген негізгі мәселелерді маған жеткізді. Американың қуаты жағдайдың дамуына ықпал ететіні маңызды, – деп жазды ол.

Зеленскийдің айтуынша, Киев Трамптың Украина – АҚШ – Ресей форматында үшжақты кездесу өткізу жөніндегі ұсынысын қолдайды.

– Украина негізгі мәселелерді көшбасшылар деңгейінде талқылауға болатынын атап өтеді, ал үшжақты формат оған толық сәйкес келеді. Қастандықтар мен соғысты тоқтату бойынша барлық егжей-тегжейлі сұрақтарды дүйсенбі күні Вашингтонда президент Трамппен талқылауды жоспарлап отырмын. Шақырту үшін алғыс айтамын, – деді Зеленский.