Шымкентте 14 тамызда ірі өрт болды. Зардап шеккендер жоқ. Kazinform мәліметінше, Абай ауданы әкімдігінің ғимараты өртенді.
Қалалық төтенше жағдайлар департаментінің мәліметінше, 14 тамыз таңғы 03:19-да “112” қызметіне Әл-Фараби ауданы Тәуке хан даңғылы №3 мекенжайында орналасқан әкімшілік ғимаратта өрт шыққаны туралы хабарлама келген.
Өрт жалпы көлемі 1200 шаршы метр алаңды шарпыған.
“Өрт сағат 04:58-де оқшауланып, 05:27-де толығымен сөндірілді. Өртте зардап шеккендер жоқ. Өрттің себебі анықталып жатыр”, — делінген хабарламада.
Өртті сөндіруге Шымкент қаласы ТЖД-ның 21 техникасы және 88 қызметкері, Апаттар медицинасы орталығынан 1 техника мен 3 маман, жергілікті атқарушы органнан 2 техника мен 2 қызметкер жұмылдырылды.
Посмотреть эту публикацию в Instagram
Публикация от Shymkent qalasynyń ТJD (@112shymkent_tjd)
Мәтіннен қате тапсаңыз, бізге жазыңыз
