Түркістан облысының ҚІЖМА соты, ҚК-нің 99-бабының 1-бөлігімен — адам өлтіру, 287-бабының 3-бөлігімен — оқ-дәрілерді заңсыз алу және сақтау бабымен айыпталған Т.-ға қатысты қылмыстық істі қарады, деп хабарлайды Zakon.kz.

Соттың анықтағаны

27 маусым 2025 жылы Жетісай ауданы Алғабас ауылында сотталушы Т. жанжал кезінде жәбірленуші А.-ны жіппен қылқындырған. Нәтижесінде жәбірленуші сол жерде көз жұмған.

Қылмысын жасыру үшін, Т. мәйітті өз үйінің ауласында көмген.

Сондай-ақ, сотталушы Т. өз үйінде ойық ұңғылы аңшылық атыс қаруының 32-дана оқ-дәрілерін заңсыз сақтаған.

Дәлелдер

Сотталушының кінәсі, қылмысты мойындаған жауаптарымен, куәлердің жауаптарымен, сот сараптама қорытындыларымен және істің басқада құжаттарымен толық дәлелденді.

Тараптардың ұстанымы

Прокурор – Т.-ны бұрын соңды аса ауыр қылмыс жасағанын ескеріп, 20 жылға бас бостандығынан айыруды сұрады.

Сотталушы Т. кінәсін мойындап, жеңіл жаза тағайындауды сұрады.

Сот, Т.-нің кәмелетке толмаған баласының болуын жеңілдететін мән-жай деп танып, ал ауырлататын мән-жайға қылмыстың қауіпті қайталануын таныды.

Сот үкімі

11 тамыз 2025 жылы сот үкімімен Т.-ға 20 жылға бас бостандығынан айыру жазасы тағайындалды.

Сондай-ақ 10 млн. теңге көлемінде моральдық шығын өндірілді.