Атырауда сотталған адамды шатастырып мерзімінен бұрын босатып жіберген
12.08.2025
Атырау облысында жазасын өтеу мерзімі аяқталмаған сотталған азаматты түрмеден шығарып жіберген, деп хабарлайды inbusiness.kz сайты.
Ведомство мәліметінше, қызметкердің қателігі салдарынан мерзімінен бұрын босату туралы құжат рәсімделген. Заң бұзушылық дер кезінде анықталып, сотталған адам қайтадан түзету мекемесіне жеткізілді.
Аталған факті бойынша қылмыстық іс қозғалып, қызметтік тергеу жүргізілуде. Кінәлі лауазымды тұлғалар қатаң жауапкершілікке тартылмақ.
