Алматыда көлік жүргізушісі баланы қағып, мерт қылды

10.08.2025

Алматының Наурызбай ауданында жол талғамайтын көлік баланы қағып кетті, — деп хабарлайды Massaget.kz тілшісі.

Оқиға бүгін, 10 тамызда, сағат 13:30 шамасында болған.

"Range Rover маркалы автокөліктің жүргізушісі Хигай көшесімен шығыс бағытта келе жатып, жол үстінде тұрған баланы қағып кеткен. Өкінішке қарай, 2013 жылы туған бала оқиға орнында көз жұмды", – деп мәлімдеді Алматы ПД.

Полиция дерегінше, бұл жағдайға қатысты Алматы ПД тергеу басқармасы қылмыстық іс қозғады. Сондай-ақ тиісті сараптама тағайындалған.

Еске салайық, бұған дейін Алматыда троллейбус аялдамаға соғылып, екі адам зардап шеккен болатын.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

Logotype Massaget

Related to this topic:

Latest to this topic: