Абай Құнанбайұлының ескерткішіне гүл шоқтарын қою рәсіміне байланысты Алматының бірнеше көшесінде көлік қозғалысы уақытша шектеледі. Бұл туралы Алматы әкімдігіне сілтеме жасаған KAZ.NUR.KZ хабарлайды.

Әкімдік ақпаратына сәйкес, 10 тамыз сағат 09:00-ден 11:00-ге дейін Алматыда көлік қозғалысы мына көшелерде уақытша шектеледі:

• Абай даңғылы бойымен — Назарбаев даңғылынан Достық даңғылына дейін;
• Достық даңғылы бойымен — Құрманғазы көшесінен Сәтбаев көшесіне дейін.

"Шектеулер Абай Құнанбайұлының ескерткішіне гүл шоқтарын қою рәсіміне байланысты енгізіледі.

Қала тұрғындары мен қонақтарын ұлы ақынның рухына тағзым ету мақсатындағы салтанатты рәсімге қатысуға шақырамыз. Іс-шара сағат 10:00-де Республика сарайының алдындағы Абай алаңында басталады.

Уақытша қозғалыс өзгерістерін ескеріп, жол жүру ережелерін сақтауларыңызды сұраймыз", – деп хабарлады Алматы қаласы әкімдігі.

Абай Құнанбайұлының 180 жылдығына орай Алматыда жыл соңына дейін 120-дан астам іс-шара өткізу жоспарланған.

Мәтіннен қате тапсаңыз, бізге жазыңыз