7 тамызда әлеуметтік желіде Ақтаудағы жекеменшік балабақшалардың бірінде балалардың басқа бір баланы ұрып-соғып жатқан сәті түсірілген видео тарады, деп хабарлайды Zakon.kz.

Видеода екі қыз баланың бір қызды ұрып, тістеп, мойнынан ұстап, төсекке басып жатқанын көруге болады.

Посмотреть эту публикацию в Instagram

Публикация от Цензура Актау (@cenzura_aktau)

Бұл жайтты Маңғыстау облыстық полиция департаменті Zakon.kz тілшісіне растады.

"Жекеменшік балабақшада болған оқиға бойынша ҚР Қылмыстық кодексінің 140-бабы – "Кәмелетке толмаған баланы тәрбиелеу жөніндегі міндеттерді орындамау" бабы бойынша қылмыстық іс қозғалды. Қазір оқиғаның барлық мән-жайын анықтау үшін тергеу жүргізіліп жатыр", — деді ведомстводан.

Полиция өкілдері тергеу барысы департамент басшылығының бақылауында екенін атап өтті.