Астанада 7 тамыздан бастап Төле би мен Орынбор көшелерінің қиылысында көлік қозғалысы толықтай тоқтатылады. Көлік иелері үшін айналып өтетін жол ұйымдастырылады, деп хабарлайды қалалық әкімдікке сілтеме жасаған KAZ.NUR.KZ.

Астана қаласының Көлік және көлік инфрақұрылымын дамыту басқармасы ақпаратына сәйкес, "Р.Бағланова көшесінен Ұлы Дала даңғылына дейінгі Төле би көшесін салу" жобасы аясында инженерлік желілерді салу және Төле би мен Орынбор көшелерінің қиылысында жол салу жұмыстары жүргізілетін болады.

"Осыған байланысты биыл 7 тамыз бен 1 қыркүйек аралығында аталған учаскеде көлік қозғалысы толықтай тоқтатылады. Бұл ретте автокөліктердің қозғалысы сызбада көрсетілген бағытпен ұйымдастырылатын болады", — дейді әкімдік өкілдері.

Сондай-ақ Сығанақ көшесінен Қорғалжын тас жолына дейін Ш. Айтматов көшесін жол төсемінің үстінгі қабатын салу бойынша жұмыстар жалғасын таппақ. Осыған байланысты биыл 6-15 тамыз аралығында бұл учаскеде жол ішінара жабылатын болады. Осы уақытта автокөлік құралдарының қозғалысы екі бағытта бір жағынан кезең-кезеңімен ұйымдастырылады.

"Жүргізушілер мен жаяу жүргіншілерден маршруттарды алдын ала жоспарлауды және қозғалысты ұйымдастырудағы ықтимал өзгерістерді ескеруді сұраймыз. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылатын болады. Уақытша қолайсыздықтар үшін кешірім сұраймыз және жол-құрылыс жұмыстарын жүргізуге түсіністікпен қарауды сұраймыз", — делінген әкімдік хабарламасында.

Мәтіннен қате тапсаңыз, бізге жазыңыз