Қазақстанның Ұлттық қауіпсіздік комитеті 16 миллион азаматтың жеке деректерінің таралуына байланысты тергеуді жалғастырып жатқанын мәлімдеді.

Комитеттің мәліметінше, аталған факті бойынша ҚР Қылмыстық кодексінің 208-бабы негізінде сотқа дейінгі тергеп-тексеру амалдары жүргізілуде. Сонымен қатар, Қылмыстық-процестік кодекстің 201-бабы 1-тармағына сәйкес, өзге мәліметтерді жария етуге болмайды.

Бұған дейін деректердің қайдан тарағаны туралы түрлі болжамдар айтылған еді. Алайда Цифрлық даму, инновациялар және аэроғарыш өнеркәсібі министрі Жаслан Мәдиев мемлекеттік деректер базасының бұзылмағанын мәлімдеді.

Айта кетейік, 2025 жылдың маусымында осы жайтқа байланысты қылмыстық іс қозғалып, бастапқыда материалдар Ішкі істер министрлігіне жолданған болатын. Тергеу қазір де жалғасып жатыр.