Оқыс оқиға Жібек маталар комбинаты шағын ауданындағы Көкжал Барақ көшесінде тіркелген, деп хабарлайды inbusiness.kz сайты.

Алдын ала мәліметке сәйкес, бала үйде ересектердің қарауынсыз қалған сәтте терезеден құлаған. Дәрігерлер оның түрлі дене жарақаттарымен ауруханаға түскенін растады.

– Бүлдіршін бастапқыда жансақтау бөліміне жатқызылды. Қазіргі таңда жағдайы орташа ауыр, қажетті ем қабылдап жатыр, – деді Шығыс Қазақстан облыстық Денсаулық сақтау басқармасының өкілдері.

Ал облыстық Төтенше жағдайлар департаментінің мәліметінше, биыл жыл басынан бері өңірде 7 бала терезеден құлап кеткен. Құзырлы органдар ата-аналарды балалардың қауіпсіздігіне мұқият болуға шақырады.