Алатау ауданындағы аулалардың бірінде көше төбелесі тіркелді. Оқиға туралы хабар түскен соң, полиция қызметкерлері жедел түрде оқиға орнына жетті.

Қақтығысқа қатысқан барлық азаматтар анықталып, полицияға жеткізілді. Аталған дерек бойынша сотқа дейінгі тергеу жүргізілуде.

"Көше төбелестері – бұл жай ғана тұрмыстық жанжал емес, бұл қылмыстық жауапкершілік қарастырылатын әрекет. Қоғамдық орындардағы агрессияның кез келген көрінісіне принципті түрде әрекет етеміз. Қоғамдық тәртіпті бұзып, күш қолданған әрбір азамат заң алдында жауап береді", – деді Алатау аудандық полиция басқармасының бастығы Еділхан Байғараев.

Алматы қаласының полициясы құқық бұзушылықтардың алдын алу және азаматтардың қауіпсіздігін қамтамасыз ету – басты басымдық екенін еске салады. Кикілжің жағдайларында сабыр сақтау және дереу полицияға жүгіну аса маңызды.