«Дежавю» – француз тілінен аударғанда «көріп қойғанмын» дегенді білдіреді. Ол бір оқиғаның бұрынырақта қайталанғаны секілді көрінетін психикалық ахуал. Бір қызығы, осы дежавюдің керісінше құбылысы да бар. Ол – жамевю.

Мұндайда, адам керісінше, өте таныс нәрсенің өзін алғаш көріп тұрғандай аңтарылып қалады. Дежавюді әркім өмірінде бір рет болсын сезінсе, жамевю өте сирек кездеседі және кейде ол ауыр психикалық ауытқудың белгісі болуы мүмкін. Осы қатарға прескевюді де қосуға болады. Бұл – «тілдің ұшында тұрған» таныс сөзді бір сәтте есімізге түсіре алмай қалатын жағдай.