Helios компаниясы Іле-Алатау ұлттық паркімен бірлесіп, жаңа ұлттық бренд — Сиверс алмасы жобасын жүзеге асыру мақсатында өзара ынтымақтастық туралы меморандумға қол қойып, жабайы Сиверс алмасына арналған жаңа ғылыми танымдық маршрутты іске қосуды жоспарлауда.

«Helios» компаниясының Бас директорының орынбасары Сергей Плисактың айтуынша, жаңа туристік маршрут келесі жылы Іле-Алатау ұлттық паркінің отыз жылдығына орай ашылмақ.

«Жаңа маршрутпен қоса, қорық аумағында ғылыми Visit-орталық пен бақылау алаңы және өмірін алма ағашын зерттеуге арнаған елімізге белгілі академик Аймақ Жанғалиұлына арналған мұражай салынатын болады. Алаңнан туристер көктемде жабайы алманың гүлдеген керемет көрінісіне тамсана алады. Ал, мұражай біздің Visit-орталықтың басты нысаны көркі болмақ. Бұл жұмыстардың барлығын «Helios» компаниясы жеке инвестиция есебінен іске асыратын болады. Баршаңызға белгілі, Сиверс алмасы — Солтүстік Тянь-Шаньдағы ең көне өсімдіктердің бірі және Қазақстанның Қызыл кітабына енгізілген бірегей алма. Біздің компания жәй ғана туристік емес, ғылыми туризмді дамытуға өз үлесін қосып отырғанына, әлем ғалымдарының жабайы алманың генотипін зерттеуіне ықпал етіп, бірегей Сиверс алмасын болашақ ұрпақ үшін сақтап қалуына жағдай жасауға өз үлесін қосып отырғанына өте қуанышты», деп атап өтті Сергей Плисак.

«HELIOS» ЖШС-мен бірлесіп Сиверс алмасын сақтау мен насихаттау бағытында ғылымитуристік жоба іске қосылды. HELIOS компаниясының қолдауымен экотуризм элементтері дамып, брендтелген өнім сатудан паркке 6 млн. теңге қаражат түсті. Сонымен қатар, сирек өсімдіктерді invitro әдісімен көбейтуге арналған зертхана іске қосылды», деп атап өтті Іле Алатауы ұлттық табиғи паркі бас директорының орынбасары Арқау ШАНТАЕВ.