Қазақстанның халық әртісі Димаш Құдайберген продюсер әрі композитор Игорь Крутойға жүрек толқытарлық жазба арнады, деп хабарлайды Zakon.kz.

3 тамыз күні Instagram-дағы парақшасында ол маэстроға туған қарындасының тойына арнайы келгені үшін алғыс айтты.

Посмотреть эту публикацию в Instagram

Публикация от Dimash Qudaibergen (@kudaibergenov.dimash)

"Құрметті Игорь Яковлевич, менің туған қарындасымның тойы сияқты маңызды да толқынысқа толы күнді бізбен бірге бөліскеніңіз үшін үлкен рақмет. Сіздің келуіңіз – біз үшін құр ғана құрмет емес, шынайы жылылыққа, жан дүниеге және нағыз достыққа толы үлкен сый болды. Сізді әрдайым ұлы композитор ретінде танып келдік, бірақ мен үшін ең қымбат нәрсе – өзіңізде адамдарға ашық жүрек пен үлкен адамгершіліктің болуы. Музыкада да, өмірде де достығыңыз үшін рақмет", — деп жазды Димаш.

Еске салайық, бұған дейін 2025 жылғы 1 тамыз, жұма күні Димаш Құдайбергеннің 24 жастағы кенже қарындасы тұрмысқа шыққаны хабарланған еді. Тойда Қазақстанның халық артисі осы ерекше күнге арнайы жазылған «Қарлығашым ұя салғанда» әнін орындаған.