Павлодар тұрғындары желіде торнадо немесе құйынға ұқсас құбылыс түсірілген фото және видеоларды бөлісіп жатыр, деп хабарлайды KAZ.NUR.KZ.

Instagram желісіндегі Andrius.sarapinas қолданушысының парақшасында Павлодар маңында түсірілген видео жарияланды. Ол жақындап келе жатқан торнадоны түсіріп алғанын айтқан.

"Бүгін саңырауқұлақ теруге шыққан едік, бірақ торнадо басталды. Иә, дұрыс естідіңіз, Павлодарда торнадо болды. Бұны қалай қабылдайтынымды білмеймін. Бірақ ол үлкейіп барады", — дейді видео авторы.

Instagram желісінде тағы бір қолданушы Владимир Кириченко қала аумағынан көрінген құйынды видеоға түсіріп алды.

"Шынымды айтсам, мұндайды бірінші рет көріп тұрмын. Павлодарда құйын ба", — дейді ер адам.

Қала аспанындағы құйынды балалар да түсіріп алған, бейнежазба "Все обо всём Павлодар" парақшасында жарияланған.

Бейнежазбаға қарағанда, құйынмен қоса найзағай соғып, күн күркіреген. Кейбір желі қолданушылары бұршақ жауғанын жазып жатыр.

Тұрғындар бұл торнадо екеніне сенімді.

Ескерту! 18+! Бейнежазбада бейәдеп сөздер бар!

Мәтіннен қате тапсаңыз, бізге жазыңыз