23 мамыр күні Страсбургте WTA 500 турнирінің жартылай финалдық матчы өтті, онда Қазақстанның бірінші ракеткасы Елена Рыбакина бақ сынады, деп хабарлайды Zakon.kz.

Рыбакинаның қарсыласы – әлемнің 23-ракеткасы, Бразилиялық Беатрис Хаддад Майя болды. Қазақстандық теннисші кездесуде 7:6, 1:6, 6:2 есебімен жеңіске жетті. Рыбакина үшінші сетте 0:2 есебімен ұтылып жатты, алайда кейін қатарынан алты гейм ұтып, жеңіске жетті.

Бұл Елена Рыбакина үшін осы маусымдағы алғашқы финал болмақ. Бұған дейінгі ең үздік нәтижесі – ақпандағы Дубай мен Абу-Даби турниріндегі жартылай финал еді. Финалға шыққаны үшін Қазақстанның бірінші ракеткасы 87 825 еуро жүлде мен 325 рейтингтік ұпай иеленді.

Финалда Рыбакина Даниэль Коллинз (АҚШ) – Людмила Самсонова (Ресей) жұбының жеңімпазымен кездеседі.