Полиция тексеріс жүргізіп, бақылауды күшейтпек.

Елімізде бір үйге тіркелетін азаматтардың санына шектеу қойылады, деп хабарлады 31 арнаның Информбюро ақпараттық бағдарламасы.

Жаңа заң бойынша бір мекенжайға көп адам тіркеген баспана иесі 40 мың теңге айыппұл арқалайды. Лимит әр өңірде әр түрлі.

Полиция тексеріс жүргізіп, бақылауды күшейтпек. Тіпті, пәтерге тіркелген адам шын мәнінде онда тұрмаса, бұл жалған тіркеу болып саналады.

Қазақстан азаматтары жаңа мекенжайда 30 күннен астам тұратын болса, уақытша тіркеу рәсімдеуі міндетті. Бұл қонаққа келу, баспананы жалға алу, оқу немесе қызметтік сапар кезінде де қолданылады. Уақытша тіркеу тек тұрақты мекенжайдан тыс жерде оқитын студенттерге, ұзақ емделіп жатқан науқастарға қажет емес. Енді жергілікті мәслихаттар тіркеу лимитін бекітуге тиіс.