2024 жылдың басынан бері Қазақстандағы Яндекс іздеудің нарықтағы үлесі 40 пайызға артты. Бұл көрсеткіш елдегі іздеу жүйелері арасындағы сервистің үлесін көрсетеді және бүгінде ол 24 пайыздан жоғары.

Қызметтің танымалдығының артуына бірқатар жаңа шешімнің енгізілуі әсер етті: нейрожелілердің арқасында ақпаратты іздеу жылдамырақ әрі ыңғайлы бола түсті, ал қазақ тіліндегі контент қолжетімді бола бастады.

Бүгінде Яндекс іздеу Қазақстандағы пайдаланушылардың күніне 9 миллионға дейін сұранысын өңдейді. Оның ішінде 1,6 миллионнан астамы – тауарлар мен қызметтерге қатысты. Соңғы жылда бірқатар категория бойынша сұраныс айтарлықтай өсті:

• автокөлік тақырыбындағы сұраныстар – 31 пайызға,
• қаржы – 29 пайызға,
• қызметтер – 24 пайызға,
• саяхат – 23 пайызға,
• онлайн-сатып алу – 18 пайызға артты.

Yandex Qazaqstan туралы

Yandex Qazaqstan – машиналық оқыту мен нейрожелілер негізінде өнімдер мен сервистерді жасайтын технологиялық компания. Компания пайдаланушылардың өмірін жеңілдетуге және Қазақстандағы цифрлық ортаны дамытуға бағытталған инновациялық технологияларды әзірлеу және енгізумен айналысады.

Бүгінде ел аумағында іздеу, қалалық, бұлтты және ойын-сауық сервистері жұмыс істейді, сондай-ақ компания білім беру мен әлеуметтік жобаларды дамытуда.

Мәтіннен қате тапсаңыз, бізге жазыңыз