Британдық журнал Қазақстанды туристік марапатқа ұсынды .

Қазақстан жыл сайынғы беделді Wanderlust Reader Travel Awards сыйлығына үміткерлер тізіміне енді. Біздің еліміз «Ең сұранысқа ие жаңа бағыт» санатында ұсынылды, деп хабарлады Kazakh Tourism.

Ұлыбританияның танымал Wanderlust туристік басылымы жыл сайын әлемдегі ең шабыттандыратын және тартымды туристік бағыттарды, саяхат саласындағы үздік сервистер мен қызметтерді анықтайды. Өткен жылы Қазақстан «Ең сұранысқа ие жаңа бағыт» санатында үздік бестікке енді.

Биылғы дауыс беру ашылды және ниет білдірушілер Қазақстанды перспективалық туристік бағыт ретінде қолдай алады.

Әрбір дауыс маңызды және оған қатысу үшін мына осы сілтеме бойынша өту қажет.

Ескерту: Бұл сайтқа кіру VPN арқылы қосылуды қажет етуі мүмкін екенін ескеру қажет.

Дауыс беру 2025 жылдың 17 қазанына дейін жалғасады. Сыйлықтың жеңімпаздары онлайн-дауыс беру қорытындысы бойынша анықталады және биылғы қараша айында Лондонда жарияланады.

Оқи отырыңыз:

• Байқоңыр туризмін дамыту үшін визит-орталық ашу керек – Kazakh Tourism басшысы
• "Көл табиғаты мен суының сапасына еш сын жоқ". Бірақ Балқашта туризм неге дамымайды?