Әскери қызметшілер үшін Е-Gov цифрлық порталының аналогы жасалды. Бұл туралы ОКҚ алаңында өткен баспасөз конференциясында айтылды, деп хабарлайды KAZ.NUR.KZ.

Қорғаныс министрінің орынбасары Дархан Ахмедиев түсіндіргендей, әскери қызметшінің бірыңғай жеке кабинеті құрылған.

"Мақсат – egov.kz порталы сияқты заманауи, ыңғайлы және ашық жүйе құру, онда әскери қызметші қызмет еткен мерзімін, қашан демалыс алатынын, келесі атақ қашан берілетінін, рапорттар мен бұйрықтарды көреді, сондай-ақ әртүрлі қызметтерді алады. Мұның бәрін әскери е-Gov-қа аударамыз", — деді спикер.

Оның айтуынша, тағы бір цифрлық жоба Jauynger.gov.kz – бұл келісімшарт бойынша әскери қызметке қабылдау порталы.

Жоба келісімшарт бойынша әскери қызметке қабылдау мерзімін 6 айдан 1 айға дейін қысқартуға мүмкіндік береді.

Мәтіннен қате тапсаңыз, бізге жазыңыз