Құлсары қаласында екі ай бұрын болған жанар-жағармай бекетіндегі қайғылы оқиғадан кейін, 20 шілдеде сол бекеттің директоры қамауға алынды, деп хабарлайды Ақжайық.
Басылымның хабарлауынша, тергеу соты оған қатысты үйқамақ түріндегі бұлтартпау шарасын санкциялады.
Облыстық прокуратураның мәліметінше, бұл қылмыстық іс прокуратураның бақылауында.
"Жанар-жағармай бекетінің директоры күдікті деп танылып, үйқамаққа алынды", — делінген хабарламада.
Еске сала кетейік, 30 мамырда Құлсарыдағы жанар-жағармай бекеттерінің бірінде жарылыс болды. Оқыс оқиға кезінде ерлі-зайыпты жұп қаза тапты. Тағы 14 адам түрлі дәрежедегі жарақат алған.
Қайғылы оқиғаға байланысты полиция қылмыстық іс қозғады.
Мәтіннен қате тапсаңыз, бізге жазыңыз
