Алматыда жасөспірімді пойыздың төбесінде тоқ соқты
20.07.2025
19 шілде күні Алматы-2 станциясында жасөспірім пойыздың төбесіне өз бетінше шығып, тоқ соғып жарақат алды, деп хабарлайды Zakon.kz.
Сағат 18:55-те станция кезекшісі оқиғаны тіркеген, деп мәлімдеді ҚТЖ баспасөз қызметі Telegram-арнасында. Электр тоғының соғуы салдарынан 15 жастағы жасөспірім күйік алған.
Оқиға орнына жедел жәрдем қызметі жедел жеткен.
"Зардап шеккен жасөспірім тірі, оған медициналық көмек көрсетілді", — делінген хабарламада.
Аталған оқиға бойынша қызметтік тергеу жүргізіліп жатыр.
