Павлодарда тоғыз жастағы бала үшінші қабаттағы балконнан құлап кетті
20.07.2025
Оқиға 19 шілде күні кешке Павлодарда болды. Бала үшінші қабатта орналасқан ортақ балконнан құлап кеткен, деп хабарлайды Zakon.kz.
Өңірлік бала құқықтары жөніндегі уәкіл Сәуле Шәкенованың айтуынша, бала көп жарақат алған.
"Арнайы білім беруді қажет ететін бала үшінші қабаттағы ортақ кіреберіс балконынан құлап кеткен. Көп жарақатпен, сүйек сынулары мен көгерулермен облыстық балалар ауруханасына жеткізілді", — деді ол.
Куәгерлердің айтуынша, бала кіреберістің төбесіне құлаған.
