Сингапурда су спорты түрлерінен өтіп жатқан әлем чемпионатында Эдуард Ким финалдық сайыста өнер көрсетті, деп хабарлайды Zakon.kz.
19 шілдеде отандасымыз әртістік жүзуден техникалық соло бағдарламасында сынға түсті.
Сайыс қорытындысы бойынша ол 217.7084 ұпай жинап, 9-орынға жайғасты.
- Александр Мальцев (Ресей) 251.7133 ұпаймен алтын медальді жеңіп алды.
- Испаниялық Деннис Гонзалес екінші орынға ие болды — 241.1667.
- Қола жүлде Диего Виллалобосқа (Мексика) бұйырды — 238.1600.
Бұған дейін Әртістік жүзуден Әлем чемпионатында Қазақстан құрамасы командалық сайыста финалға өткенін жазғанбыз.
