Бас қалада Цифрландыру мәселелері жөніндегі комиссияның отырысы өтті.

Премьер-Министр Олжас Бектеновтің төрағалығымен өткен келелі кеңесте суперкомпьютер негізінде жасанды интеллект экожүйесін дамыту бағыттары қаралды. Одан бөлек, QazTech платформасы базасында салалар мен мемлекеттік органдардың жұмысын одан әрі цифрлық трансформациялауға назар аударылды. Айтайық, салаға серпіліс беру мақсатында 2024-2029 жылдарға арналған ЖИ-ді дамыту Тұжырымдамасы бекітіліп, «Жасанды интеллект туралы» заң жобасы әзірленген еді. Бүгінгі басқосуды осы жұмыстардың жай-жапсары талқыланды. Жиын соңында үкімет басшысы бір айдың бедерінде цифрлық трансформация карталарына қатысты жұмысты аяқтауды тапсырды. Олар ЖИ-ды интеграциялауға негізі болмақ, сондай-ақ бизнеске де мемлекеттік деректер базасында өз жобаларын жасауға мүмкіндік береді.