Kaspi.kz пен Alipay+ (Ant International құрамына кіретін жаһандық бірыңғай төлем сервисі) серіктестігін кеңейтуде.

Енді шетелдік қонақтар қытайлық пайдаланушыларға таныс Alipay қосымшасының көмегімен Kaspi QR-ды сканерлеу арқылы Қазақстанда төлем жасай алады. Сондай-ақ сервис Alipay+серіктестері болып табылатын 10 халықаралық қосымшада қолжетімді.

Өткен жылы Қазақстанға Қытайдан 665 мың турист келді. Визасыз режимнің енгізілуіне және екі елдің арасындағы рейстердің көбеюіне байланысты туристер саны өсуде. Бұрын Қытайдан Қазақстанға келген туристер сатып алған заттың ақысын тек қолма-қол ақшамен немесе сирек жағдайда UnionPay картасымен төлейтін. Енді шетелдік қонақтар тауардың немесе қызметтің ақысын Kaspi QR арқылы комиссиясыз төлей алады.

Kaspi.kz басшысы әрі негізін қалаушылардың бірі Михаил Ломтадзе:

«Өткен жылы Alipay+- пен серіктестік орнатып, біз бірнеше керемет сервисті іске қостық. Қазақстандықтар Қытайға және әлемнің тағы 48 еліне саяхат жасай отырып, сатып алған затының ақысын үздік Kaspi.kz мобильді қосымшасы арқылы төлей бастады. Ал қазақстандық кәсіпкерлер — Қытайдан сатып алған тауардың ақысын тура Kaspi Pay шотынан төледі. Енді Қытайдан және басқа да елден келген қонақтарымыздың Қазақстанда Alipay+ серіктестерінің қосымшаларының көмегімен Kaspi QR арқылы төлеуге мүмкіндігі бар. Біз серіктесіміз Alipay +-ке туризм мен Қазақстанға іскерлік сапарды бұрынғыдан да ыңғайлы әрі тиімді етуге мүмкіндік бергені үшін алғысымызды білдіреміз!», – деді.

Ant International Оңтүстік Шығыс Азия, Оңтүстік Азия, Австралия және Жаңа Зеландия бойынша бас менеджер Эдвард Юэ:

«Біз Kazpi.kz-пен кіріс және шығыс трансшекаралық төлемдерді жасау бойынша серіктестігімізді нығайтуға өте қуаныштымыз. Біз Alipay + жаһандық серіктестеріміз арқылы төлем жасау үшін қазақстандықтардың Kaspi.kz қосымшасын белсенді қолданатынын көрдік. Енді біз қарқынды дамуды қамтамасыз ету үшін тығыз ынтымақтастықты жалғастыра отырып, жаһандық серіктестерімізді жергілікті бизнеспен байланыстыру үшін дамыған Kaspi.kz платформасын қолданамыз», – деді.

Kaspi QR арқылы Қазақстанда төлем қабылдау туралы толық ақпаратты Alipay+ арқылы төлем қолдайтын қосымшалармен бірге қалай жүзеге асыруға болатынын серіктестерге арналған Kaspi Гид сервисінен оқыңыз.

Kaspi.kz туралы

Kaspi.kz миссиясы – сүйікті клиенттері мен серіктестерінің өмірін жақсартатын инновациялық өнімдер мен қызметтердіжасау. Бұл инновацияның негізінде – елдегі ең танымал мобильді суперқосымша Kaspi.kz тұр, оны 15 миллионға жуық қазақстандық пайдаланады. Онда елдегі жетекші электронды коммерция, төлем және қаржылық қызметтері топтастырылған.

Kaspi.kz суперқосымшасының көмегімен қазақстандықтар тегін жеткізу арқылы тиімді онлайн зат сатып алып, комиссиясыз төлемдер мен аударымдар жасайды, жеке қаржысын басқарады, әуе және теміржол билеттерін сатып алады, турлар рәсімдейді және ең танымал мемлекеттік қызметтерді пайдаланады.

Сондай-ақ Kaspi.kz бизнеске арналған Kaspi Pay суперқосымшасын жасап шығарды, оны 700 мыңға жуық қазақстандық кәсіпкер қолданады. Kaspi Pay арқылы кәсіпкерлер бизнесін дамытуға қаржы алады, төлем қабылдайды, жарнамалық кампанияларды іске қосады, салық төлейді, Kaspi.kz-тің электронды коммерция және жеткізу платформасына қосылып, бүкіл ел аумағында өз тауарларын сата алады.

Гарвард бизнес мектебі Kaspi.kz туралы екі оқу материалын жазды. Бұл материалдар бойынша магистратура студенттері бірнеше жылдан бері білім алып жүр.

Alipay+ туралы

Alipay+ – трансшекаралық мобильді төлемдер мен цифрландыруға арналған технологиялық шешімдер жиынтығы. Бұл шешімдер дүние жүзіндегі сатушылар мен сатып алушыларды байланыстыруға көмектеседі. Пайдаланушыларға шетелге шыққанда жылдам төлем жасау мен тауарлар мен қызметтерге ақы төлеудің кең таңдауы ұнайды. Шағын және орта бизнес Alipay+ цифрлық құралдарын пайдалана отырып, тиімділікті арттырып, көпарналы өсуге қол жеткізе алады.