Жекелей сында ерлер және әйелдер арасында Ролан Гаррос турнирінің жеребесі тартылды, деп хабарлайды inbusiness.kz сайты.

Қазақстанның бірінші, әлемнің 12-ракеткасы Елена Рыбакина алғашқы айналымда дүниежүзілік рейтингіде кезінде 4-орынға дейін көтерілген, қазір 39-орында тұрған швейцариялық Белинда Бенчичпен кортқа шығады.

Рыбакина Токио Олимпиадасында жартылай финалда дәл осы теннисшіге есе жіберген еді.

Сондай-ақ, биыл Әбу-Даби WTA 500 турнирінде Е.Рыбакина Б.Бенчичке тағы да жол берді.

Айта кетейік, тағы бір қазақстандық, әлемнің 29-ракеткасы Юлия Путинцева Франция ашық чемпионатында іріктеу сайысы жеңімпаздарының бірімен кездеседі.