Гүлмира Әбіқай Перизат Қайрат туралы тың ақпарат айтты.

Танымал журналист Гүлмира Әбіқай прокурорлар жариялаған айыптау нұсқасына сәйкес, 2021 жылдан 2024 жылға дейін қайырымдылық көмегі сылтауымен жеке және заңды тұлғалардан қаражат жинап, оның басым бөлігін өз қажеттілігіне жұмсаған деп айыпталған Перизат Қайраттың өзіне хат жазғанын айтты.

Бұл туралы ол Instagram желісіндегі парақшасында жазды, деп хабарлайды Caravan.kz медиа порталы.

«Эххх, Перизат. Әр сот процесінде Перизат жайлы ауыз аштырып, көз жұмдыратын жаңалықтармен танысып жатырмыз. Біріне сеніп, біріне сенбейсің, бірақ ақиқаты осы. Жалпы халықтың сеніміне ие болып, жылы жымиып банк, мем.орган., лауазымды тұлғалар, министрлер мен депутаттар атын оңай пайдаланғаны бір өнер. Оның әр жазбасын қалдырмай министрлер, қазіргі мәжіліс депутаттары лайк басып отырған) Өзі алдағы жоспарына қажет деген тұлғалармен оңай’кездесіп, міндетті түрде сторис түсіріп, селфилеткен. Оу баста асқақ арманы, биік-биік жоспары болғаны анық. Амбициясы басым, коммуникациялық байланыстан қиналмаған ол кейін өз қиялына өзі сенді. Ноттингем университетін бітіріп, Кембридж магистратурасын жалғастыруды мен де армандаймын, мысалы. Ол Британияға барып, Кембридждің сыртында әрлі-берлі фотоға түсіп қайтты. Қаласам бұл да менің қолымда деген оймен жұбанды. Есесіне, сол фотолардан соң әлемнің әр түкпірінде оқып жатқан білімді жастар Перизаттың парақшасына тартылды. Ауылда жүрген түлектер «Сіздей болғымыз келеді» деп пір тұтты. Үлкендер «Дәл сен сияқты көзі ашық, көкірегі ояу адам Президент болу керек» деп батасын жаудырды Сырт көзге халық үшін дем алмай, тынымсыз жұмыс істеп жатқандай көрінген Перизаттың лакшери өмірін де аудиториясы «Сіз осыған лайықсыз» деп құп көрді.

Айтпақшы, ол менің парақшама жазылған екен, тіпті, жекеме хат та жазыпты. Алғашқы смсты 2022 жылы жіберіпті. Бағыма орай Даудамайсызға келетін мыңдаған хаттың арасынан мен Перизаттыкін көрмеппін маған жазған хаты жайлы келесі поста айтып берейін. Мені қойшы, басқа-басқа емес Біріккен Араб Әмірлігінің билеуші әулетімен жеке тығыз «байланысы» енді фантазияның шарықтау шегі.

Ал, Тәшкенге бір барған сапарында мэрдің аузын өзіне қаратып, түнгі уақытқа қарамастан шаһар басшысы «міне, сізге инвестор, Перизат ханым!» деп құрақ ұшып, туған әпкесін дедектетіп біздің қыздың алдына әкелген. Сол жерде қол алысып, қор шотына транш кеткенін куәгерлер аузынан суы құрып айтуда. Эххххх Перизат… бойына берген керемет талант, сый, дарын, потенциалды басқаша қолданғанда ғой…», — дейді ол.

Еске сала кетейік, «Біз біргеміз» қайырымдылық қорының басшысы, еріктілер қозғалысының белсендісі Перизат Қайратқа қатысты тергеу жүріп жатқаны өткен жылдың 14 қарашасында белгілі болған еді.