Алматыда 17 шілде мен19 шілде аралығында түнгі уақытта Майлин көшесінің бір бөлігі жөндеуге жабылады, деп хабарлайды KAZ.NUR.KZ Алматы қаласы әкімдігінің баспасөз қызметіне сілтеме жасап.

Майлин көшесінің бір бөлігінде орташа жөндеу жұмыстары жүргізілетініне байланысты қозғалыс шектеледі.

17 шілде күні сағат 23:00-ден бастап 18 шілде сағат 11:00-ге дейін әуежайдан Бұқтырма көшесіне қарай жол жабылады. Қарсы бағытта кері қозғалыс ұйымдастырылады.

18 шілде сағат 23:00-ден бастап 19 шілде сағат 6:00-ге дейін Бұқтырма көшесінен әуежайға қарай жол жабылады. Қарсы бағытта кері қозғалыс ұйымдастырылады.

"Жөнделетін учаскеде екі жақты қозғалыс туралы ескерту белгілері орнатылады. Жолақтар бойынша бөлу конустық шағылыстыратын чиптермен белгіленеді. Маршрутты алдын ала жоспарлауды сұраймыз", — деп ескертті тұрғындарға қала әкімдігіндегілер.

Еске сала кетейік, қозғалысты шектеуге қатысты барлық ақпарат Telegram желісіндегі AlmatyJoly арнасында, аудан әкімдігінің әлеуметтік желілерінде, сондай-ақ 2GIS және "Яндекс карталар" сервистерінде жарияланған.

Мәтіннен қате тапсаңыз, бізге жазыңыз