Ол су тасқыны уақытында "BizBirgemiz" деген атауы бар қор сенімді көрінгенін айтады.

Қорға қатысты жарнамалар кеңінен тарағандықтан, зейнеткер банк қосымшасы арқылы 1 миллион теңгесін еш ойланбай аударып жіберген, деп хабарлайды inbusiness.kz сайты.

Енді ол сол ақшасын қайтаруды талап етіп, сотқа жүгініп отыр.

Астанада Перизат Қайрат пен оның анасына қатысты өткен кезекті сот отырысында куәгерлер мен жәбірленушілерден жауап алынды.

Онда жәбірленуші Әмина Аймағамбетова да сөз сөйледі. Зейнеткер 2024 жылдың сәуір айында Перизат Қайрат басқарған "BizBirgemiz Qazaqstan 2030" қоғамдық ұйымына 1 миллион теңгесін аударып, қайырымдылыққа сәл де болса өз үлесін қосуды ойлаған.

– Онда көп жарнамалар жүрді. Бірақ неге екені белгісіз, дәл сол BizBirgemiz атауы сенімді көрінді. Қажетті жерге жететініне сеніп, аудардым. Зейнеткерлер үшін бұл ақша артық емес, – деп ашуланды ол.

Жәбірленуші Перизат Қайратты да, анасын да танымайтынын атап өтті.