Сот процесінде "Асар-Үме" қорының президенті Асхат Нұрмашевтан жауап алынған кейін, нақтылау сұрағын қою үшін сөз сотталушыға берілген.

Онда Перизат Қайрат жәбірленуші тарапқа бірнеше сауал жолдады, деп хабарлайды inbusiness.kz сайты.

Ол ең әуелі Астанада Біріккен Араб Әмірліктерінің ұлттық күніне орай ұйымдастырылған іс-шара туралы айтты. Сосын аталған жиында БАӘ елшісі "BizBirgemiz Qazaqstan 2030" қорының атқарған жұмысы үшін Асхат Нұрмашевқа жеке алғыс білдіргенін не білдірмегенін сұрақ етіп қойды.

"Асхат аға, бұл рас па? Сізде елшілермен бірге түскен фото бар ғой..." деп нақтылады айыпталушы Перизат Қайрат.

Жәбірленуші Асхат Нұрмашев болса, бұл іс-шараға шақырту болғанын жасырмады.

– Иә, бізді ол іс-шараға арнайы шақырды. Қор атқарған жұмысты атап өтті. Бірақ нақты елшінің өзімен сөйлестім бе, ол есімде жоқ. Мүмкін, Палестина елшісімен шатастырып тұрған болармын. Сол кісіден алғыс сөз естігенім анық. Ал біздегі фото – Палестина елшісімен бірге түскен сурет, – деп жауап қатты ол.

Осы кезде Перизат Қайрат куәгерге алғыс айтпақ болғаны сол еді, Бірақ, "Бұл салтанатты іс-шара емес. Біз – сот процесіндеміз. Мұнда алғыс білдіру орынсыз" деп шорт кесті судья.