2025 жылдың 15 шілдесінде Мемлекет басшысы Қасым-Жомарт Тоқаев Салық кодексіне енгізілген өзгерістерге қол қойды, деп хабарлайды Zakon.kz.

Ақорданың мәліметінше:

Мемлекет басшысы "Салық және бюджетке төленетін басқа да міндетті төлемдер туралы" Қазақстан Республикасының Кодексіне (Салық кодексі) және оны қолданысқа енгізу мәселелері бойынша Қазақстан Республикасының заңдарына өзгерістер мен толықтырулар енгізу туралы" Қазақстан Республикасының Заңына қол қойды

Заңның мәтіні баспасөзде жарияланады.

2025 жылғы 30 сәуірде Мәжіліс депутаттары Салық кодексіне өзгерістер мен салық салу мәселелері бойынша тиісті түзетулерді екінші оқылымда қабылдады. ҚҚС реформасына сәйкес, алғашында үкімет ұсынған 20 пайыздық мөлшерлеме 16 пайызға дейін төмендетілді. Қосылған құн салығы (ҚҚС) бойынша міндетті тіркелу шегі 15 миллионнан 40 миллион теңгеге дейін ұлғайтылды.