Қайырымдылық үшін жинаған жылудың ең көлемдісі тасқыннан зардап шеккендерге көмек болып отыр.

Сот отырысында мемлекеттік айыптаушының бірі күдіктілердің миллиардтаған қаржыны қайда жұмсағаны туралы ақпарат беріп өтті, деп хабарлайды inbusiness.kz сайты.

Прокурордың сөзінше, Перизат Қайрат пен анасы Ғайни Алашбаева 2021-2024 жылдар аралығында қайырымдылық деген сылтаумен халықтан 3,5 миллиард теңгеден астам қаражат жинаған.

3,5 миллиард теңге қай қайырымдылық бойынша жиналды?

• 2,86 млрд теңге – тасқыннан зардап шеккендерге көмек;
• 566 млн теңге – Газа секторына гуманитарлық көмек;
• 105 млн теңге – фестивальдер мен форумдарға;
• 21,6 млн теңге – мүгедек балаларға арналған аукцион;
• Қалғаны – сайт пен Instagram арқылы жиналған қайырымдылық қаржы.

Қомақты қаржы қайда жұмсалды?

• 7 пәтер саудаланған (Highvill, Akbulak, Vela Village және басқа);
• 3 автокөлік сатып алынған (Lexus LX 600, Mercedes S 450, Haval H6 GT);
• 150 млн теңгеден астам қаржы (Cartier, Van Cleef, Gucci, Dior) бренд бұйымдарына жұмсалған;
• Rebel Flowers (гүл бизнесіне де қаржы құйылған);
• 17 шетелдік сапар (Лондон, Дубай, Қатар, Түркия, Ресей, т.б.);
• 123 млн теңге пәтердің жөндеу жұмыстарына кеткен;
• Күнделікті шығындар, яғни мейрамхана, техника, жиһаз, айыппұл тағы сол сияқты;
• Жауапкершілігі шектеулі серіктестіктер арқылы қаржыны қолма-қол ақшаға айналдыру (киіз үй, гүл, зергерлік бұйымдар мен көмір жеткізілгендей етіп рәсімделген).

Бұған дейін Перизат Қайрат сотта Amanat партияcы жанынан құрылған "Biz Birgemiz Qazaqstan 2030" қоры құрылтайшыларының бірі Бауыржан Байбектен жауап алуды сұраған болатын.