11 шілде күні шахматтан Әлем Кубогының екінші кезеңіндегі барлық матч аяқталды. Осы ойындардың қорытындысы бойынша қазақстандық шахматшы Меруерт Камалиденова аталмыш жарыстың қазіргі чемпионы — ресейлік Александра Горячкинаны жеңіп шықты, деп хабарлайды Zakon.kz.
FIDE баспасөз қызметінің мәліметінше, бұл кездесу екінші кезеңнің тай-брейкіндегі басты сенсация болды — Камалиденова гроссмейстер Горячкинаны айқын басымдықпен жеңді. Айта кетейік, екі жыл бұрын Горячкина Бакуде әйелдер арасындағы Әлем Кубогын жеңіп алған еді.
Ресейлік шахматшы классикалық турнирдің екінші партиясында есепті теңестіре алғанымен, халықаралық шебер Меруерт Камалиденова тай-брейкте толық үстемдік орнатып, қарсыласына еш мүмкіндік бермеді.
Екі жедел партияның алғашқысы кезінде Горячкина қарапайым фигуралы эндшпильде бір пешкасын жіберіп қойды, ал Камалиденова эншпиль техникасын шебер көрсетіп, партияны жеңіспен аяқтады.
Екінші партияда Горячкина қателік жіберіп, мүлде ұтылатын жағдайға тап болды. Тек мәңгілік шахтың арқасында тең есепке қол жеткізгенімен, бұл нәтиже оның турнирден шығып қалуына жол бермеді.
